Conscientes da contaminación do medio que supoñen estes pequenos aparellos, que na actualidade emprega a meirande parte da poboación; o Concello de Piñor acaba de adherirse a un programa de reciclaxe de móbiles en colaboración co Centro de Extensión Universitaria e Divulgación Ambiental de Galicia e o Instituto Jane Goodall.

A explotación do mineral coltán que fai posible a tecnoloxía dos móbiles, ordenadores e consolas está no centro dos conflitos bélicos que producen centos de miles de vítimas e refuxiados na República Democrática do Congo e destruíndo ademais os hábitats de moitas especies africanas, coma os chimpancés e os gorilas, en grave perigo debido á caza furtiva e a deforestación. En España soamente acaba sendo reciclado e recuperado o coltán nun 5%.

A través deste programa simplemente depositando o móbil no lugar adecuado realizaremos unha importante labor de cooperación internacional, permitindo así amosar o grado de compromiso, concienciación e solidaridade dos veciños de Piñor.

Por cada 30 móbiles recibiremos o apadriñamento gratuíto dun dos chimpacés rescatados que o Instituto Jane Goodall coida no seu centro da República do Congo, dirixido pola veterinaria galega Rebeca Atencia.

Animádevos a participar!! E traede os vosos móbiles en desuso (en funcionamento ou non, só mobil sen tarxeta nin cargador) á Casa do Concello.